千軍萬馬有《神話》,日迷敬仰有《電車男》,賣溫馨則有《童夢奇緣》。而宣傳愈落力,睇完行出戲院個份失望感就愈強烈;反之,睇《世紀大騙兔》,驚喜重大。
驚喜在,幾個泥膠公仔,好戲過真人;興奮在,區區卡通玩剪接,流暢過大製作;過癮在,still animation真係下下用手捽出黎,坐得近銀幕,連指紋印都睇得到。
5年捽1戲,都唔怕冇人記得,亞曼工作室250人親手證明,乜野先係真正既奧斯卡動畫。人狗主角華佬同阿高今次做捉兔專家,專幫人除兔護菜田;為除兔,華佬重諗到幫兔仔洗腦,等佢唔再食菜,點知機器出錯,搞出巨型妖兔「肥野」。故事聽落唔算新鮮,但醒就醒在導演識得點樣同觀眾講故事。
合家歡卡通片,笑位自然唔少得,難得佢唔會剩係玩仆親引下你笑就算,《獎門狗》既笑位全部用腦諗過度過,笑得黎絕唔會同故事主幹脫節,唔講廢話唔徙菲林,完全冇浪費觀眾時間:各式捉兔鬼馬手法、華佬洗兔仔腦失敗出事,以至最後阿高同肥野大戰,救番主人,故事邊笑邊推進,絕無冷場,咁至係高手。
講真,對觀眾黎講,1齣戲究竟用金堆出黎、定用心砌出黎
“超级无敌掌门狗:人兔的诅咒”这就是好看的动画
转载请注明网址: https://www.nanrenkong.com/pp/dy-22731.html